Қазақстан төртінші буын реакторларының қауіпсіздігін әлемдік деңгейде негіздеп жатыр
Әлемдік энергетика қауіпсіздігі жоғары, көпфункционалды жаңа буын реакторларына көшу үстінде. Қазақстан бұл үдерісте жай ғана тұтынушы емес, төртінші буын реакторларының қауіпсіздігін халықаралық деңгейде негіздейтін басты ғылыми серіктеске айналып отыр. Еліміздің ғылыми инфрақұрылымы мен бірегей тәжірибесі осы саладағы әлемдік зерттеулерге үлес қосуға мүмкіндік береді.
Жаңа буын реакторлары дегеніміз не?
Жаңа буын реакторлары қауіпсіздікке, отынды тиімді пайдалануға, қалдықтарды азайтуға және қолдану икемділігіне басымдық береді. Олар тек электр энергиясын ғана емес, өнеркәсіптік жылу, сутегі, тұщы су да өндіре алады. Бұл реакторлардың негізгі түрлеріне шағын модульдік реакторлар,