Бір жыл ішінде банкке айналу: KMF-тің трансформациясы қалай өтті

Микроқаржы ұйымынан толыққанды банкке айналуға бір жыл уақыт жетті ме? KMF Банк осы сұраққа нақты жауап беріп, трансформацияның алғашқы қорытындысын шығарды. Басты нәтиже — мәртебенің өзгеруі емес, клиенттер үшін ашылған жаңа мүмкіндіктер: қаржылық қызметтердің кеңеюі, цифрлық құралдардың артуы және өңірлердегі кең филиалдық желінің сақталуы.

Трансформацияның алғашқы жылы қалай өтті?

KMF Банк банк лицензиясын алған сәттен бастап қызметтердің үздіксіз болуын қамтамасыз етіп қана қоймай, одан әрі дамуға берік іргетас қалады. Бүгінде клиенттер төлем карталарын пайдалана алады, ағымдағы шоттарды, оның ішінде мультивалюталық және өзін-өзі жұмыспен қамтығандарға арналған шоттарды ашады, депозиттер салады, телефон нөмірі арқылы ақша аударымдарын жүзеге асырып, Бірыңғай QR арқылы төлем жасай алады. Мобильді қосымша арқылы серіктестердің сервистеріне қол жеткізу мүмкіндігі де бар. Жақын арада заңды тұлғаларға арналған интернет-банкинг іске қосылмақ.

Бұл ретте банк трансформацияға дейінгі басты құндылықтарын сақтап қалды: микро және шағын бизнеске басымдық беру, өңірлерде кең ауқымда қызмет көрсету және бөлімшелерде жеке қарым-қатынас орнату.

«Алғашқы жылдың басты нәтижесі — банктің ұзақ мерзімді перспективада тұрақты дамуына берік негіз қалау. Біз бірінші кезекте өнімдер желісін қарқынды кеңейтуге емес, қажетті инфрақұрылымды қалыптастыруға басымдық бердік. Осының арқасында операциялық қызметтің үздіксіз болуын қамтамасыз ете алдық», — деді KMF Банк Басқарма төрағасы Шалқар Жүсіпов.

Клиенттер үшін не өзгерді?

Банк мәртебесіне көшу клиенттердің күнделікті қаржылық тәжірибесіне нақты әсер ете бастады. Жеке тұлғалар мен кәсіпкерлер енді бірыңғай банктік экожүйе аясында құралдардың кеңірек спектрін пайдалана алады. Алайда KMF өзінің негізгі бағытын өзгертпейді: басты назар бұрынғыдай микро және шағын бизнеске, өңір тұрғындарына және әйел кәсіпкерлерге аударылады.

Бүгінде банк клиенттерінің 65 пайызы ауылдық жерлерде тұрады, ал барлық клиенттің 55 пайызын әйелдер құрайды. Банктің физикалық қатысуын шамамен 140 қызмет көрсету нүктесі қамтамасыз етеді, ал KMF Қазақстанның ең шалғай өлкелерін қоса алғанда, шамамен 4 мың елдімекенді қамтиды.

«Біз ешқашан адамды технологиямен алмастыруды мақсат еткен емеспіз. Цифрлық сервистер клиенттердің күнделікті өмірін жеңілдетсе, бөлімшелер ең маңызды құндылықтарды — сенім мен жеке қолдауды сақтайды. Біз заманауи технологиялар мен клиентке жақын болуды біріктіретін фиджитал-модельді болашақтың еншісінде деп есептейміз», — деп атап өтті Шалқар Жүсіпов.

Қаржылық көрсеткіштер қандай?

Алғашқы нәтижелер негізгі көрсеткіштерден де көрініс табуда. Жыл басынан бері банк кредиттік портфельдің, депозиттік базаның және транзакциялық бизнестің тұрақты өсімін көрсетіп келеді. Капитал жеткіліктілігі шамамен 19 пайызды құрап, реттеушінің нормативтік талаптарынан айтарлықтай жоғары деңгейде сақталуда. Биыл маусым айында Fitch Ratings агенттігі KMF Банктің рейтингін тұрақты болжаммен B+ деңгейінде растады. Клиенттердің адалдық индексі (NPS) 83 пайыз деңгейінде тұр.

«Біз үшін ауқымды трансформацияның клиенттер сеніміне кері әсер етпегені маңызды. Керісінше, қалыптасқан сенімге сүйене отырып, қызметтер мен ұсыныстар ауқымын кеңейтіп, біртіндеп толыққанды банктік экожүйе қалыптастыруға мүмкіндік бар екенін көріп отырмыз», — деді Шалқар Жүсіпов.

Ұлттық құндылықтар мен әлеуметтік миссия қалай сақталуда?

KMF Банктің дамуы қаржылық қызметтермен ғана шектелмейді. Банк жастардың Enactus қозғалысын қолдайды және қазақтың дәстүрлі зияткерлік ойыны тоғызқұмалақты дамытуға үлес қосып келеді. Ұлттық құндылықтармен байланыс банктің имиджінен де көрініс тапқан: оның маскоты ретінде жылдамдықтың, алға деген ұмтылыс пен төзімділіктің символы саналатын қазақтың құмай тазысы таңдалған.

«KMF-Демеу» қорымен бірлесіп, банк Қазақстанның барлық өңірінде білім беру және қайырымдылық жобаларын жүзеге асыруды жалғастыруда. Соңғы 13 жыл ішінде қор 64 білім беру жобасын жүзеге асырып, 187 мыңнан аса адамды қамтыды. Негізгі бағыттардың қатарында кәсіпкерлікті дамыту, қаржылық сауаттылықты арттыру, әйелдердің бизнестегі бастамаларын қолдау және өңір тұрғындарына арналған білім беру бағдарламалары бар. Көпшілікке танымал жобалардың бірі — KMF Isker Hanymy премиясы, биыл ол алтыншы рет ұйымдастырылады.

Халықаралық ынтымақтастық қалай дамып жатыр?

Алғашқы жылдың тағы бір маңызды нәтижесі — халықаралық ынтымақтастықтың дамуы. KMF Банк Еуропа қайта құру және даму банкімен, IFC, JICA, Proparco, SIFEM, Аустрияның Даму банкімен және басқа да даму институттарымен ынтымақтастық орнатып келеді. Маңызды оқиғалардың бірі Түркі инвестициялық қорымен серіктестік орнату болды, бұл қордың Қазақстандағы алғашқы келісімі.

Сонымен қатар банк капитал құрамына кіруге қызығушылық танытқан бірқатар халықаралық институционалдық инвесторлармен келіссөздер жүргізіп жатыр. Бұл акционерлер құрылымын әртараптандыруға, халықаралық сараптаманы күшейтуге және ұзақ мерзімді ресурстарға қолжетімділікті кеңейтуге мүмкіндік береді.

Жасанды интеллект банкте қалай қолданылады?

Банк дамуының келесі кезеңі — жасанды интеллектіні кеңінен қолдану. Бүгінде KMF Банк AI технологияларын кредиттік өтінімдерді талдау, құжаттарды өңдеу, кепіл мүлкін бағалау, ұсыныстарды жекелендіру және ішкі процестерді автоматтандыру үшін пайдаланады. Банктің ішінде AI-Дана корпоративтік AI-ассистенті жұмыс істейді. Сонымен қатар байланыс орталығына арналған дыбыстық AI-көмекшіні іске қосу, құжат айналымын автоматтандыру және киберқауіпсіздікті күшейту бағытында бірқатар жобалар жүзеге асырылуда.

«Біздің міндетіміз жасанды интеллект арқылы адамды алмастыру емес, қызметкерлерді күнделікті қайталанатын операциялардан босатып, олардың тәжірибесі мен білімін клиентпен тікелей қарым-қатынас кезінде аса қажет болатын міндеттерге аударуға мүмкіндік беру», — деп атап өтті Шалқар Жүсіпов.

Алдағы жоспарлар қандай?

«Бүгінде алғашқы жылдың қорытындысын шығара отырып, банк лицензиясын алу туралы шешімнің стратегиялық тұрғыдан дұрыс болғанына көз жеткіздік. Біз ең маңызды құндылықтарымызды — клиенттердің сенімін, кәсіби сараптамамызды және клиенттерге жақын болу қағидатымызды сақтай отырып, даму үшін жаңа мүмкіндіктерге жол аштық. Ендігі міндетіміз — қалыптастырылған негізді банкті одан әрі дамытуға тиімді пайдаланып, клиенттерімізге ұсына алатын мүмкіндіктер ауқымын кеңейту», — деп қорытындылады Шалқар Жүсіпов.

*ҚНРДА 15.07.2026 жылы берген № 1.1.719.137 лицензия.